Menu
Menu
महाराष्ट्र गोसेवा आयोगाविषयी
महाराष्ट्र राज्यामध्ये देशी गोवंश संवर्धन, संरक्षण व कल्याण करण्यासाठी आणि त्यासाठी कार्यरत असणा-या संस्थांचे पर्यवेक्षण करण्यासाठी, गोसेवा आयोग गठित करण्यात आला आहे.
- महाराष्ट्र गोसेवा आयोग अधिनियम २०२३ अधिनियमित असून दि. २८.०४, २०२३ रोजी तो शासन राजपत्रात प्रसिध्द करण्यात आला असून दि. १०:०५, २०२३ रोजीच्या अधिसुचनेटवारे राज्यात लागू करण्यात आला.
- दि. ०७.०७.२०२३ च्या अधिसूचनेद्वारे महाराष्ट्र गोसेवा आयोगासाठी पुढील तीन वर्षासाठी खालील अशासकीय सदस्यांची नेमणूक करण्यात आलेली आहे
- महाराष्ट्र राज्यामध्ये देशी गोवंश संवर्धन, संरक्षण व कल्याण करणे व त्यासाठी कार्यरत असणाऱ्या संस्थांचे पर्यवेक्षण करणे.
- गोसदन, गोशाळा, पांजरपोळ व गोरक्षण संस्थांची नोंदणी करणे.
- अस्तित्वात असलेल्या कायद्याअन्वये देशी गोवंश संरक्षणाची सुनिश्चिती करणे.
- गोसदन, गोशाळा, पांजरपोळ व गोरक्षण संस्था यांच्या विकासासंबंधीचे राज्यशासनाचे कार्यक्रम व योजना यांची अंमलबजावणी होईल हे सुनिश्चित करणे.
- गोवर्धन गोवंश सेवा केन्द्र योजना व इतर योजना अंतर्भुत करणे व त्याची अंमलबजावणी करणे.
- महाराष्ट्र राज्यातील देशी जातींच्या गोवंश विकासामध्ये संस्थांच्या सक्रिय सहभागाची सुनिश्चिती करणे
- पशुआरोग्य सेवांचे प्रचालन करणे.
- अस्तित्वात असलेल्या कायद्यांचे उल्लंघनाकरिता जप्त केलेल्या पशुची काळजी व व्यवस्थापनाची सुनिश्चिती करणे.
- नोंदणीकृत संस्थेद्वारे देखभाल करण्यात येणाऱ्या दुर्बल, वयस्क व रोगग्रस्त पशुंचे योग्य व्यवस्थापन, काळजी व उपचार यांची सुनिश्चिती करणे.
- पशुव्यवस्थापनासंबंधी शेतकरी व इतर हितसंबंधित व्यक्ती यांच्याकरिता जनजागृती व प्रशिक्षण यांची अंमलबजावणीची सुनिश्चीती करणे.
- महाराष्ट्र राज्याच्या गोवंश प्रजनन धोरणाच्या अंमलबजावणीची सुनिश्चिती करणे व त्याचे संनियंत्रण करणे.
अधिनियमान्वये प्रदान करण्यात आलेल्या अधिकारांचा वापर करण्यासाठी आणि नेमून दिलेले कार्य पाडण्यासाठी दि.०१.०९.२०२३ चे अधिसूचनेद्वारे ” महाराष्ट्र गोसेवा आयोग ” म्हणून २२ सदस्यांचे मंडळ गठित करण्यात आलेले आहे. आयोगावर विविध शासकीय विभागातील १४ पदसिध्द सदस्य आहेत. यामध्ये आयुक्त पशुसंवर्धन यांचा पदसिध्द सदस्य म्हणून समावेश आहे. आयोगावर पशुकल्याण, प्राणी व्यवस्थापन, पशुवैद्यकीय विज्ञान, दुग्धव्यवसाय, जैवतंत्रज्ञान, पणन, कायदा, सामाजिक कार्य किंवा आधुनिक तंत्रज्ञान या क्षेत्रातील तसेच अशासकीय संस्था, गोसदन, गोशाळा, पांजरपोळ व गोरक्षण संस्था इत्यादींचे प्रतिनिधी म्हणून ७ अशासकीय सदस्यांची नामनिर्देशनाने नेमणूक व त्यापैकी एका सदस्याची अध्यक्ष म्हणून निवड करण्यात आली आहे. आयोगाचे सदस्य सचिव म्हणून कार्य करण्यसाठी सहआयुक्त पशुसंवर्धन हे पद असून इतर अधिकारी / कर्मचारी शासन नियुक्त असणार आहेत. आयोगाचे मुख्यालय आयुक्त पशुसंवर्धन कार्यालय, आंध्, पुणे-६७ येथील कार्यालयामध्ये दि. ०२.०९.२०२३ पासून तात्पुरत्या स्वरुपात स्थापित करण्यात आले आहे.